ကျောက်ဖြူ ယူနန် ဓါတ်ငွေ့ ပိုက်လိုင်း စဖွင့်

Written By Thit Lwin on Monday, July 29, 2013 |
ရခိုင်ပြည်နယ် ကျောက်ဖြူမြို့ ကနေ တရုတ်နိုင်ငံ ယူနန်ပြည်နယ် ကူမင်းမြို့ကို ဆက်သွယ် ဖောက်လုပ်ထားတဲ့ သဘာဝဓါတ်ငွေ့ ပိုက်လိုင်း လမ်းကြောင်းမှာရှိတဲ့ တံတားဦး မြို့နယ်ထဲက ဓါတ်အား ထုတ်လွှတ်ရေး စခန်းကို ဒုတိယ သမ္မတ ဦးဉာဏ်ထွန်းအပါအဝင် တရုတ် မြန်မာ နှစ်နိုင်ငံ တာဝန်ရှိသူတွေက တနင်္ဂနွေနေ့ ညနေပိုင်းမှာ ဖွင့်လှစ်ပေးလိုက်ပါတယ်။

အဲဒီ ပိုက်လိုင်းကို ၂၀၁၁ ခုနှစ် အောက်တိုဘာလကစပြီး တရုတ် CNPC ကုမ္ပဏီ ၊ ကိုးရီးယား ဒေဝူးကုမ္ပဏီ စတဲ့ ကုမ္ပဏီ ၅ခုနဲ့ အပိုင်းလိုက် ဆောက်လုပ်ခဲ့တာ ဖြစ်ပါတယ်။

ဒီသဘာဝ ဓါတ်ငွေ့တွေကနေ မြန်မာနိုင်ငံမှာ လျှပ်စစ် စွမ်းအင်တွေ အသုံးပြု နိုင်တော့မယ်လို့ ဖွင့်ပွဲ အခမ်းအနားမှာ ဒုတိယ သမ္မတ ဦးဉာဏ်ထွန်းက ပြောသွားပါတယ်။

ဒီပိုက်လိုင်းရဲ့ အဓိက တာဝန်ရှိတဲ့ တရုတ်ဘက်က CNPC ကုမ္ပဏီရဲ့ ဒုတိယ ဥက္ကဌ မစ္စတာ ဝမ်ဒုံကျင်းကလည်း ဒီပိုက်လိုင်း ပြီးဆုံး အောင်မြင်သွားတာကြောင့်တရုတ် အနောက်တောင်ပိုင်းဒေသကို လောင်စာ ဖြည့်တင်း ပေးနိုင်မှာ ဖြစ်သလို မြန်မာနိင်ငံ အတွက် ပို့ကုန်ကနေ အမြတ်ငွေ ရရှိတာအပြင် ပိုက်လိုင်း တလျှောက်က ပြည်သူတွေအတွက် စွမ်းအင်တွေ ရရှိမှာ ဖြစ်ကြောင်း၊ ဒါ့အပြင် အနာဂါတ်မှာ မြန်မာ ၊တရုတ်၊ အိန္ဒိယ၊ ကိုရီးယား ၄နိုင်ငံပေါင်းပြီး စွမ်းအင်ဆိုင်ရာ ပူးပေါင်းမှုတွေ ထပ်လုပ်နိုင်မယ်လို့ မျှော်လင့်တဲ့ အကြောင်း ပြောပါတယ်။

ဒီလို နှစ်ဖက် တာဝန်ရှိသူတွေက ဒီ သဘာဝ ဓါတ်ငွေ့ ပိုက်လိုင်းကြောင့် အကျိုးရှိမယ်လို့ ပြောနေကြပေမယ့် ပိုက်လိုင်း ဖြတ်သွားရာ ရခိုင်ပြည်နယ်၊ မန္တလေးတိုင်း၊မကွေးတိုင်း နဲ့ ရှမ်းပြည်နယ်က ပြည်သူတွေကတော့ ဒီပိုက်လိုင်းကြောင့် သဘာဝ ပတ်ဝန်းကျင် ပျက်စီးသလို စိုက်ပျိုးမြေတွေ ဆုံးရှုံးရတာအပြင် လူတွေရဲ့ အသက် အိုးအိမ်တွေကို ခြိမ်းခြောက်ခံနေရလို့ ကန့်ကွက်တဲ့အကြောင်း ဒီကနေ့မှာဘဲ ပြောလိုက်ပါတယ်။

ဒီပိုက်လိုင်း စီမံကိန်းဟာ ပြည်သူ လူထု၊ အစိုးရနဲ့ ရင်းနှီး မြုပ်နှံသူတွေ အတွက်သာ တူညီမျှတတဲ့အကျိုး ခံစားနိုင်တဲ့ စနစ် ရှိသင့်ကြောင်း၊ နစ်နာစရာ ရှိရင် ပြည်သူတွေပဲ နစ်နာရလေ့ ရှိပြီး အကျိုးအမြတ်တွေကိုတော့ အစိုးရနဲ့ ရင်းနှီး မြုပ်နှံသူတွေကသာ ခံစားလေ့ ရှိကြောင်း၊ရရှိတဲ့ အကျိုးခံစားမှု တွေနဲ့ ပတ်သက်လို့ ပွင့်လင်း မြင်သာမှု မရှိရင် ဒီစီမံကိန်းကို ဆက်လက် ကန့်ကွက်သွားမှာ ဖြစ်ကြောင်း ပိုက်လိုင်း ဖြတ်သွားရာ လမ်းတလျှောက်က ဒေသခံတွေနဲ့ ဖွဲ့စည်းထားတဲ့ မြန်မာ တရုတ် ပိုက်လိုင်း စောင့်ကြည့်ရေး ကော်မတီရဲ့ တာဝန်ခံ မနှင်းယုရွှေက ပြောပါတယ်။

ရွှေသဘာဝ ဓါတ်ငွေ့ စီမံကိန်းကနေ ထုတ်လုပ်တဲ့ သဘာဝ ဓါတ်ငွေ့တွေကို ရခိုင်ပြည်နယ် ကျောက်ဖြူ ကုန်းတွင်းပိုင်း ဓါတ်ငွေ့ ထုတ်လွှတ်ရေး စခန်းကနေ ယူနန်ပြည်နယ်ကို ၇၉၃ ကီလိုမီတာ ရှည်ပြီး အချင်း လက်မ ၄၀ ရှိတဲ့ ဒီပိုက်လိုင်းကနေ တနေ့ကို ကုဗပေ သန်း ၁၂၀ဝ ပို့လွှတ်မယ်လို့ သိရပါတယ်။

ဘီဘီစီ (မြန်မာပိုင်း)

မြန်မာ-တရုတ် သဘာဝဓာတ်ငွေ့ ပိုက်လိုင်းဇူလိုင် ၁ ရက် (ယနေ့) တွင် စတင်ပို့လွှတ်မည်

By burmamuslim on July 1, 2013   

ရွှေသဘာဝဓာတ်ငွေ့ စီမံကိန်းမှ သဘာဝဓာတ်ငွေ့များကို မြန်မာ-တရုတ် သဘာဝဓာတ်ငွေ့ ပိုက်လိုင်းမှတစ်ဆင့် တရုတ်နိုင်ငံသို့

ဇူလိုင် ၁ ရက်တွင် စတင်ပို့လွှတ်မည် ဖြစ်ကြောင်း စွမ်းအင်ဝန်ကြီးဌာနမှ သိရသည်။

အရှည် ၇၉၃ ကီလိုမီတာ ရှည်လျားသည့် မြန်မာ-တရုတ် သဘာဝဓာတ်ငွေ့ ပိုက်လိုင်းသည် ကျောက်ဖြူမှစတင်၍

မြန်မာနိုင်ငံအတွင်း ရခိုင်ပြည်နယ်၊ မကွေးတိုင်းဒေသကြီး၊ မန္တလေးတိုင်း ဒေသကြီးနှင့် ရှမ်းပြည်နယ်များကို ဖြတ်သန်းပြီး

တရုတ်နိုင်ငံ ရွှေလီမြို့မှ တစ်ဆင့် တရုတ်နိုင်ငံတွင်းသို့ အသီးသီး ၀င်ရောက်မည်ဖြစ်ကြောင်း၊ အဆိုပါပိုက်လိုင်းဖြင့် ကနဦး

ကာလပိုင်းတွင် တစ်နှစ်လျှင် ကုဗမီတာ ၅ ဒသမ ၂ ဘီလျံ ပို့ဆောင်နိုင်မည်ဖြစ်ပြီး နောက်ပိုင်းတွင် တစ်နှစ်လျှင် သဘာဝဓာတ်ငွေ့

ကုဗမီတာ ၁၂ ဘီလျံ ပို့ဆောင်နိုင်မည်ဖြစ်ပြီး Process Station ခြောက်ခု တည်ဆောက်ထားမည် ဖြစ်ကြောင်းလည်း CNPC မှ

ထုတ်ပြန်ချက်များအရ သိရသည်။

”မြန်မာ-တရုတ် ရေနံစိမ်း ပိုက်လိုင်းကနေပြီးတော့ တစ်နှစ်မှာ ရေနံစိမ်း တန်ချိန်ပေါင်း ၂၂ သန်း ပို့လွှတ်နိုင်မှာ ဖြစ်ပြီးတော့

Process Station ငါးခုနဲ့ တန်ချိန် သုံးသိန်း အဆင့်ရှိတဲ့ ရေနံစိမ်း ဆိပ်ကမ်းတစ်ခုကို တည်ဆောက်သွားမှာ ဖြစ်ပါတယ်။

သဘာဝဓာတ်ငွေ့ပိုက်လိုင်း အနေနဲ့တော့ တစ်နှစ်မှာ သဘာဝဓာတ်ငွေ့ ကုဗမီတာ ၁၂ ဘီလျံ ပို့လွှတ်မှာ ဖြစ်ပါတယ်။ ဒါပေမဲ့

ကနဦး အဆင့်မှာတော့ တစ်နှစ်ကို ကုဗမီတာ ၅ ဒသမ ၂ ဘီလျံပဲ ပို့ဆောင်နိုင်မှာ ဖြစ်ပြီး Process Station ခြောက်ခု

တည်ဆောက်သွားမှာ ဖြစ်ပါတယ်။ အဲဒီအထဲကမှ ရေနံစိမ်းတန်ချိန် နှစ်သန်းနဲ့ သဘာဝဓာတ်ငွေ့ ကုဗမီတာ နှစ်ဘီလျံကို

မြန်မာနိုင်ငံအတွက် ပေးသွားမှာပါ” ဟု မြန်မာ-တရုတ် ရေနံနှင့် သဘာဝဓာတ်ငွေ့ ပိုက်လိုင်း စီမံကိန်း အကောင်အထည်

ဖော်နေသော SEAOP & SEAGP မှ Deputy Director ဖြစ်သူ Mr.Zhang က ပြောပြသည်။

မြန်မာ-တရုတ် ပိုက်လိုင်းဖြင့် သဘာဝဓာတ်ငွေ့များ စတင်ပို့လွှတ်ပြီ ဖြစ်သော်လည်း ပိုက်လိုင်းတစ်လျှောက်တွင်

သိမ်းယူထားသည့် မြေယာများအပေါ် လျော်ကြေး ပြန်လည်ပေးအပ်မှုနှင့် ပတ်သက်ပြီး အချို့ဒေသများ၌ ပြေလည်မှု

ရရှိသော်လည်း အချို့ဒေသများ၌မူ လက်ရှိအချိန်ထိ ပြေလည်မှု မရှိသေးကြောင်း…

အဆိုပါ သဘာဝဓာတ်ငွေ့ ပိုက်လိုင်းများ၏ Offloading Point မှာ ကျောက်ဖြူ၊ ရေနံချောင်း၊ တောင်သာနှင့်

မန္တလေးတို့ဖြစ်ကြောင်းနှင့် ရေနံစိမ်းပိုက်လိုင်းအတွက် Offloading Point မှာ စကုမြို့ဖြစ်ကြောင်း သိရသည်။

မြန်မာ-တရုတ် သဘာဝဓာတ်ငွေ့ပိုက်လိုင်း စီမံကိန်းတွင်လည်း မြန်မာနိုင်ငံကို ပိုက်လိုင်းဖြတ်သန်း သွယ်တန်းရသည့်အတွက်

ပိုက်လိုင်း လမ်းကြောင်းဖြတ်သန်းခ (Right of Way) အဖြစ် တစ်နှစ်လျှင် အမေရိကန်ဒေါ်လာ ၆ ဒသမ ၉၀၅ သန်း

ရရှိမည်ဖြစ်သည်။ မြန်မာ-တရုတ် ရေနံပိုက်လိုင်း စီမံကိန်းတွင်လည်း ပိုက်လိုင်းလမ်းကြောင်း ဖြတ်သန်းခ (Right of Way) အဖြစ်

တစ်နှစ်လျှင် အမေရိကန်ဒေါ်လာ ၆ ဒသမ ၉၀၅ သန်း ရရှိမည့်အပြင် မြန်မာနိုင်ငံကို ဖြတ်သန်း ပို့ဆောင်ရသည့်အတွက် (Transit

Fee) အဖြစ် ရေနံပမာဏ တစ်တန်လျှင် အမေရိကန် တစ်ဒေါ်လာ ရရှိမည်ဖြစ်ကြောင်း သိရသည်။

စွမ်းအင်ဝန်ကြီးဌာန၏ ခန့်မှန်းချက်အရ ပြည်တွင်းသုံးစွဲမှု ပမာဏမှာ တစ်ရက်လျှင် သန်းပေါင်း ၅၉၀ mmcfd (cubic feet per

day) လိုအပ်ကြောင်းနှင့် လက်တလောတွင် တစ်နေ့လျှင် ၂၄ mmcfd သာပေးနိုင်သေးကြောင်း၊ အလားတူ ရေနံစိမ်းလိုအပ်ချက်

တစ်နေ့လျှင် စည်ပေါင်း ၆၀၀၀၀ လိုအပ်နေပြီး လက်ရှိအနေအထားတွင် စည် ၂၀၀၀၀ သာ သုံးစွဲနိုင်သေးကြောင်း၊ ထို့အတွက်

မြန်မာနိုင်ငံတွင် ရှိနေသော လူဦးရေ၏ ၇၅ ရာခိုင်နှုန်းမှာ လျှပ်စစ်မီး ရရှိမှု အပိုင်းတွင် အခက်အခဲများစွာ ရှိနေသေးကြောင်း

သိရသည်။

မြန်မာ-တရုတ် ပိုက်လိုင်းဖြင့် သဘာဝဓာတ်ငွေ့များ စတင်ပို့လွှတ်ပြီ ဖြစ်သော်လည်း ပိုက်လိုင်းတစ်လျှောက်တွင်

သိမ်းယူထားသည့် မြေယာများအပေါ် လျော်ကြေး ပြန်လည်ပေးအပ်မှုနှင့် ပတ်သက်ပြီး အချို့ဒေသများ၌ ပြေလည်မှု

ရရှိသော်လည်း အချို့ဒေသများ၌မူ လက်ရှိအချိန်ထိ ပြေလည်မှု မရှိသေးကြောင်းလည်း ပိုက်လိုင်းစောင့်ကြည့်ရေး အဖွဲ့မှ

သိရသည်။

”ပိုက်လိုင်း ဖြတ်သန်းသွားတဲ့ ဒေသအချို့မှာ ခုချိန်ထိ မြေယာနဲ့ ပတ်သက်ပြီး လျော်ကြေးမရတာတွေ ရှိနေပါသေးတယ်။

တချို့နေရာတွေက အပြည့်အ၀ မရသေးတာတွေလည်း ရှိတယ်။ လျော်ကြေးကို သုံးရစ် ခွဲပေးမယ်ပေါ့။ ပထမ တစ်ရစ်ပေးတယ်။

လက်မှတ်တွေ ထိုးခိုင်းတယ်။ နောက်ထပ် ပေးဖို့ကိုကျတော့ ဒေသအာဏာပိုင်တွေက ငါတို့တွက်တာ မှားသွားလို့ မင်းတို့

ဒီဟာအပြီးပဲဆိုပြီး ထပ်မပေးတော့ တာတွေလည်း ရှိတယ်။ အထူးသဖြင့် ရခိုင်ပြည်နယ်နဲ့ ရှမ်းပြည်နယ် မြောက်ပိုင်းဒေသတွေမှာ

အဖြစ်များပါတယ်။ လျော်ကြေးတွေက တချို့ဒေသတွေမှာ တစ်ဧကကို သုံးသိန်းရတယ်။ တချို့ဒေသတွေမှာ ၁၀ သိန်းရတာတွေ

ရှိတယ်။ ဒါပေမဲ့ နမ့်ခမ်းလို ဒေသတွေမှာတော့ တစ်ဧကကို သိန်း ၁၀၀ ၀န်းကျင်၊ ၁၀၀ ကျော်ကျော်လောက်ရတယ်။ ဒါပေမဲ့

တရုတ်ပြည်ထဲမှာကျတော့ တစ်ဧကကို အနိမ့်ဆုံး မြန်မာငွေနဲ့တွက်ရင် ကျပ်သိန်း ၃၀၀ လောက်ရတယ်” ဟု မန္တလေး

စိမ်းရောင်စိုအဖွဲ့မှ ကိုသော်က ပြောကြားသည်။

ယင်းသို့ ဓာတ်ငွေ့များ စတင် ပို့လွှတ်ရာ၌ ဓာတ်ငွေ့ပိုက်လိုင်း အတွင်းရှိ လေထုကို နိုက်ထရိုဂျင် ဓာတ်ငွေ့ထည့်သွင်း၍

ဖယ်ရှားရခြင်းကြောင့် ထိုသို့ ဓာတ်ငွေ့ပို့လွှတ်စဉ် လေရှူပေါက်များမှ အသံမြည်ခြင်း၊ မီးညွန့်များ ထွက်ပေါ်ခြင်းတို့ ဖြစ်တတ်ပြီး

စိုးရိမ်စရာ မရှိကြောင်း၊ ထိုသို့ ဖြစ်ပေါ်ပါက အန္တရာယ် မရှိကြောင်း၊ ထိတ်လန့်စရာ မလိုကြောင်း ဓာတ်ငွေ့ပိုက်လိုင်း

ယိုစိမ့်မှုဖြစ်ပေါ်ခြင်း မဟုတ်ကြောင်းလည်း မြန်မာ့ ရေနံနှင့် သဘာဝဓာတ်ငွေ့ လုပ်ငန်းမှ သိရသည်။

အေးချမ်းမွန် Credit To >Eleven Media Group < Thank